Kiruypa q´asankunamantan q´usñimuni,
qaparqachaspa, quhmapakuspa, qala sikillaña...
Wixsaypis, rakhu-ñanu ch´ullchullniypis ch´usahtáh,
yarqay pachan kiruypa tupapurayninmanta qarqumuwan,
camisayta hina ñañu k´aspiman warkuruwaspa.

Rumi tiyanata samayunaypah manachu kunan tarisah.
manachu kanman wachah warmih misk´akusqan rumillapis,
may paqarih, kawsaypa minin, saphillanpis
manachu nuqapah kanman.
Manachu, nunay uxupi phuyu hina
sipiyuhpis, nuqapah kanman...
Manapunichu iskusqa p´usqu mama quchapis,
icha qhilli unu mana runaman hich´ayunapis
nuqapah kanman. Chayllatapis quyuwaychisyá.

Chay asnachisqa unuta, k´amisqa awqaman hich´ayunata,
kahtinqa manachu quwankichisman.
Chay asnasqa, kirpasqa unuta,
allin runakunah millakusqan qaparqachahta,
icha chay qhilli k´uchuman chuqasqa kikimanta
urmayuhta, sinchi ch´unchullkunah asnaynin apahtapis
chaytayá nuqaman aywariwaychis.

K´allpisqa t´antallapis, manachu nuqapah kanman.
Manañachu kasah wiñaypah kasqay hina,
chaywanpis haywariwaychisyá
huh rumita tiyaykunaypah, ichaqa quyuwaychisyá,
allichu, huh k´illpi t´antata chaypi tiyanaypah,
ichaqa quwaychisyá ispañulpi
imallatapis uxyanaypah, mixunaypah,
kawsanaypah, samanaypah.
Chaymantaqa ripukusahmi...

Rixurinin mana rihsiy kayniypi, sinchi qhasusqa
qhillitahmi camisayqa kashan.