Qullana P'unchay, mamacha unanchaña

Manacha Kandih p'unchayninqa ñayá chayaramunña. Iskay p'unchay fibriru killapin tukuypas rixurinchis, chaymi chay mamachaqa manchay unanchana kanqa tukuy sunquwan, lluy yuyaywan. Punu llahtan chaymantaqa sayarin. Kandilariyaqa munay munay p'achallisqa, quri qulqiwan pilluykusqa, qulqiwan p'istuykusqa wantunapi sumahtapuni puriykun Punu llahtah k'ixllunkunataqa, Titi Qaqa quchah pata patantapis. Llapa tusuhkunatan Sicuri nispa sutiyanku paykunatahmi tihsimuyuh qhawarinanpah, mana maypi hina, tusuyunqaku.

Tukuy imaymana millmamanta awasqa p'achwanmi, ñarah uwixahña, paquchahña kahtinpas, chay wayna sipaskunaqa sixllachakunku. Q'apiruh kusi takiyninwanmi tusuyunku kallpakunpas ch'usahyanankama.

Tusuhkunaqa kikin Punu llahtamantapis, chaxra llank'ahkunapis, may hawa llahta runakunapis rixurinkuyá. Paykunan haykuykamunku Puno llahtamanqa tukuy imaymanankuta q'ipiyukuspa. Wakinqa qispi p'achayuh, siwiyuh "Morenada" tusunankupah, huhkunatahmi pawqar warayuh chaymunku llamirada, huh tusuykuna ima tusunankupah. Wakinqa kuntur hinayá p'acharukunkupas. Ichaqa lluymi prusishunpiqa rixurinqaku.

Husíy Mariya Arguedas, hamawt'a runan khaynata qilqaran chay huñunakuymanta: "Vocalkunapis, huwiskunapis, tukuy kamachikuhkunapis chay phistapiqa paykuna kikinkumanta asirikunku. Chaymi churarukunku ukuku, uqhumari, kuntur, indiyu, yana runa, turu, mach'ahway, sinchi mancharichih waqunkunawan, saynatakunawan ima".

Kay p'unchaypiqa tusuhkunaqa mañakunkun unuta llapa runamanta. Chaymi sinchi ch'aranllaña rixuripunku. Chaymi thasnuyun k'ananah intipi rupharisqantutapis, sinchi hunp'iy pachapi rikukusqankutapis