Uxtawanpi Hatun Rayminchakuy

Iskay p'unchay fibriru killa qatikuh dumingupiqa rixurillantahmi hatun raymichakuy mamacha Kandipah. Chaypa sutinmi Uxtawa nisqa. Chay musuh p'unchaypahqa kanmi sapah Alferado hinaspatahmi tukuy imapis ruwakun 2 p'unchay fibrirupi hina. Ichaqa manañayá chaypiqa hawa llahta tusuhqa rixuripunkuñachu. Tukuypas Punu llahta runallawanmi ruwakapun.

Sapanka t'aqa tusuhkunaqa yallinakunku tukuy yachayninkuta mast'arispa, mana imapipas yukanakuspa. Chaytan sapanka ayllu, sapanka llahta chaninchanku kawsay kawsayninpi. Chay yallinakuytahmi sapa watan Plaza de Armaspi hunt'akuran. Kay watakunapimá aswan ruwakapun Estadio Monumental k'itipi, aswan hatun rixuripuhtin.

Chay Estadiyuh chawpinpin kashan munay munay wayllar. Chay patachapiyá chunka minutus tusuyllapi sapanka t'aqakuna qhawarichinku tukuy ima yachasqankuta. Chay yallinakuyqa las uchu urastan qallarin tutamantan tukukapuntahmi ña tutataña, las uchuta hina.

Chaypiyá sapanka tusuh tukuy sunquyninta churan hunp'iwantahmi ch'ahchuykun chay yallipakuyman churakusqanta. Chaypi axllasqa rixurihkunaqa kusillañayá kawsanku quri qulqitapis tarirunkuman hinarah.

Chaymi kacharpariqa. Manan pipas munanchu mamacha saqiytaqa. Hinaspanmi askha p'unchayrah qharikunaqa uxumarimanta ukukumanta p'achallikuspa, warmikunatah angilmanta p'achallkisqa, sahramanta ima puñuyunqaku plasa tiyakunapi. Tuta chaymuhtinqa tusuytayá qallarinqaku imaynan huh p'unchaykuna karan hinarah.