Mamacha Kandilariya Raymi Manchay Hatun Raymin Qullana P'unchay, mamacha unanchaña Uxtawanpi Hatun Rayminchakuy Yuyarina		Mamacha Kandilariya Raymin Punu llahtaqa llapa llahtamantapis aswan hanah wichaypin kashan hinaspapis Perú llahtah urayninpin, Buliviya suyuh sispanpi. Chay llahtapiyá, sapa watan, rixurin tukuy raymikunamantapis aswan hatun raymi, tihsimuyupitah, aswan sapanchasqa. Chaypa sutinmi Virgen de la Kandilariya, chaytahmi runah ñawpa pacha iniyninwan, católico ima iniywan tahrusqa rixurishan. Chay raykun ancha unanchasqa rixuripun Perupipas, hawa llahtapipas. Chay raymih sutinmi Virgen de la Kandilariyah P'unchaynin, "Mamita Kantichah phistan", "Mama Kandi" ima. Chay mamachatahmi Punu llahtah Patronan. Chay mamacha yuyariyqa Pacha Mama, Titi Qaqa Qucha, q'uyakuna, Illapa ima yuyariymi. Ichaqa manan chaykuna raykullachu chay raymiqa chaninchakun llahta uxupiqa. Chay mamachapin kashan qhaliyay unquhpah,ima suyakuy aypanapis. Chaytan maskh anku tukuy chay mamachapi inihkuna. Chay p'unchaykunapin qharipas, warmipas, ñarah machu paya, wayna sipas, irqi, warma, wawa kaspapis achhuyunku Mamacha Kantiman tukuy imaymanamanta anqusanankupah. Kay sapallan raymipin lluy Punu llahtaqa kusi kawsayta usachin, hinaspatahmi chay kutuy runakunawan pawqar waray pachapi rixuripun. Chaypiyá tukuy imapis, aswantaqa tusuy chaninchakapun Titi Qaqah sispanpi.		Punuh sispanpin Titi Qaqa quchaqa kashan. Chay quchapin lluskhanku waypukuna mana maypi hina.
					T'uturamanta kawalluchakunan lluskhanku Titi Qaqah ununta pacha 3870 msnm patapi.